ທ່າແຮງຂອງ ເມືອງວິລະບູລີ


ສະພາບລວມ

ເມືອງວິລະບູລີ ມີຄວາມອຸດົມຮັ່ງມີ ເຕັມໄປດ້ວຍຊັບພະຍາກອນທໍາມະຊາດ ເປັນຕົ້ນ: ແຮ່ຄໍາ, ເງິນ, ທອງ, ກົ່ວ-ຊື່ນ, ບາຣິດ, ມີແຫລ່ງນໍ້າໄຫຼຕະຫຼອດປີ ເຊັ່ນ: ເຊກອກ, ເຊສະງີ່, ເຊນ້ອຍ ແລະ ເຊບາຍ, ມີຫ້ວຍໝອງຄອງບຶງຫຼາຍແຫ່ງເໝາະສົມໃຫ້ແກ່ການຜະລິດກະສິກໍາປູກຝັງ ແລະ ລ້ຽງສັດ; ມີແຫລ່ງທ່ອງທຽ່ວປະຫວັດສາດທໍາມະຊາດ ແລະ ວັດທະນະທໍາ, ປະຊາຊົນບັນດາເຜົ່າມີມູນເຊື້ອດຸໝັ່ນໃນການທຳການຜະລິດ, ມີນໍ້າໃຈພິລະອາດຫານປະກອບສ່ວນເຂົ້າໃນຂະບວນການປະຕິວັດຕໍ່ສູ້ປົດປ່ອຍຊາດ ແລະ ໄດ້ຮັບກຽດລືນາມວ່າ ເມືອງວິລະບູລີ ດິນແດນວິລະຊົນ.

ໃນປີ 2019, ລວມຍອດຜະລິດຕະພັນພາຍໃນ (GDP) ສາມາດບັນລຸໄດ້ 305,91 ຕື້ກີບ, ດ້ວຍອັດຕາການຂະຫຍາຍຕົວ ໃນລະດັບ 7,20% ໃນນັ້ນ:

  • ຂະແໜງກະສິກໍາ ກວມ 53,24% ຂອງ GDP.
  • ຂະແໜງອຸດສາຫະກໍາ ກວມ 32% ຂອງ GDP.
  • ຂະແໜງການບໍລິການ ກວມ 14,76% ຂອງ GDP.

GDP ສະເລ່ຍໃສ່ຫົວຄົນໄດ້ 7,2 ລ້ານກີບ ຫຼືເທົ່າກັບ 862 ໂດລາສະຫະລັດຕໍ່ປີ.

1. ດ້ານກະສິກໍາ-ປ່າໄມ້:
  • ໃນເນື້ອທີ່ການຜະລິດເຂົ້າທັງໜົດ 5.120 ເຮັກຕາ, ໃນນັ້ນ: ນາປີ 4.865 ເຮັກຕາ, ນາແຊງ 105 ເຮັກຕາ ແລະ ໄຮ່ໜູນວຽນ 150 ເຮັກຕາ.
  • ການປູກພືດເປັນສິນຄ້າຕົ້ນຕໍພາຍໃນເມືອງປະກອບມີ: ໝາກໂມ, ໝາກແຕງ, ໝາກກ້ຽງ ແລະ ຜັກເປັນຕົ້ນ.
  • ສ່ວນການງານລ້ຽງສັດ ແລະ ປະມົງແມ່ນເລັ່ງໃສ່ການລ້ຽງຄວາຍ, ງົວ, ແບ້, ໝູ, ປາ ແລະ ສັດປີກເປັນຫລັກ.
  • ໃນປະຈຸບັນທົ່ວເມືອງມີຊົນລະປະທານ 1 ແຫ່ງ, ອ່າງເກັບນໍ້າ 24 ແຫ່ງ, ຝາຍນໍ້າລົ້ນ 89 ແຫ່ງ.
2. ດ້ານອຸດສາຫະກໍາ-ການຄ້າ:

ປະຈຸບັນ ມີໂຮງງານອຸດສະຫະກໍາ ທັງໝົດ 86 ແຫ່ງ, ໃນນັ້ນ: ໂຮງງານປຸງແຕ່ງໄມ້ 2 ແຫ່ງ, ໂຮງງານເຟີນີເຈີ້ 1 ແຫ່ງ, ໂຮງສີເຂົ້າ 50 ແຫ່ງ, ໂຮງານນໍ້າດື່ມສະອາດ 4 ແຫ່ງ, ໂຮງນໍ້າກ້ອນສະອາດ 7 ແຫ່ງເພີ່ມ, ໂຮງລໍ່ເບຕົງ-ດິນບ໋ອກ 11 ແຫ່ງ, ໂຮງງານຜະລິດຖານຂາວ 4 ແຫ່ງ. ນອກຈາກນີ້ຍັງມີໂຮງງານອຸດສະຫະກໍາຂະໝາດໃຫຍ່ 3 ແຫ່ງ, ໃນນັ້ນ: ຂັ້ນແຂວງຄຸ້ມຄອງ ມີ 2 ແຫ່ງ ຄື: ໂຮງງານບົດຫີນຫອມມະລາ ພັດທະນາທ້ອງຖິ່ນ, ໂຮງ ງານຜະລິດຫີນບາຣິດ ແລະ ສູນກາງຄຸ້ມຄອງ 1 ແຫ່ງ ຄື: ໂຮງງານຂຸດຄົ້ນແຮ່ຜະລິດຄໍາ-ທອງແດງເຊໂປນ.

3. ດ້ານໂຍທາທິການ-ຂົນສົ່ງ:

ທົ່ວເມືອງມີເສັ້ນທາງທັງໝົດ 90 ເສັ້ນ, ຍາວ 384,7 ກິໂລແມັດ, ໃນນັ້ນ: ມີທາງຕາຜ້າ 64 ເສັ້ນ, ຍາວ 44,5 ກິໂລ ແມັດ, ເສັ້ນທາງປູຢາງ 7 ເສັ້ນ, ຍາວ 4,4 ກິໂລແມັດ, ເສັ້ນທາງດິນແດງ 31 ເສັ້ນ, ຍາວ 257,2 ກິໂລແມັດ (ລວມທັງທາງຕາຜ້າ).

4. ດ້ານການທ່ອງທ່ຽວ:

ການທ່ອງທ່ຽວທໍາມະຊາດປ່າສະຫງວນພູຊ້າງແຮ່, ຫີນສາມເສົົ້າ ຢູ່ບ້ານນ້ຳປະເຄນ, ຕາດຜາລອງຢູ່ບ້ານຜາຂະເຍາະ, ໜອງທະດາ-ຜາບຸນ ບ້ານນາເຕີ້; ແຫຼ່ງທ່ອງທ່ຽວດ້ານວັດທະນາທຳຢູ່ວັດພະທາດນາງລາວ, ພະເຈົ້າອົງແສນຢູ່ບ້ານທາດ; ແຫຼ່ງທ່ອງທ່ຽວດ້ານປະຫວັດສາດ, ເສັ້ນທາງໂຮ່ຈິມິນ, ເຂດຖ້ຳທ່ານຜູ້ນໍາ (ບ້ານນາເຕີ້ບ້ານໄຮ່, ບ້ານຜາພິລາງ ແລະ ບ້ານຕໍເຮືອ), ແຫຼ່ງທ່ອງທ່ຽວດ້ານອຸດສະຫະກໍາ, ທ່ຽວຊົມໂຄງການບໍ່ຄຳ-ທອງ ແລະ ແຫຼ່ງອື່ນໆ.

5. ດ້ານແຮງງານ (ປີ 2019):

ປະເພດການນຳໃຊ້ດິນພາຍໃນເມືອງ

ບັນຊີຮຽກການລົງທຶນເອກະຊົນ

ຄວາມຮຽກຮ້ອງຕ້ອງການແຫຼ່ງທຶນເຂົ້າໃນການປະຕິບັດແຜນພັດທະນາເສດຖະກິດ-ສັງຄົມຂອງເມືອງ ໃນຕໍ່ໜ້າໃຫ້ມີການພັດທະນາຂຶ້ນຢ່າງບໍ່ຢຸດຢັ້ງ, ແຕ່ນີ້ຫາປີ 2024 ເມືອງໄດ້ກຳນົດບັນຊີຮຽກການລົງທຶນຈາກພາກເອກະຊົນພາຍໃນ ແລະ ຕ່າງປະເທດ ໂດຍອີງໃສ່ທ່າແຮງຕົວຈິງຂອງເມືອງ ດັ່ງນີ້:

  • ໂຄງການ ສົ່ງເສີມການປູກຜັກຊະນິດຕ່າງໆ ແລະ ພຶດລະດູແລ້ງ ຢູ່ຈຸດສຸມເມືອງວັງ, ບ້ານນາຍົມ ບ້ານທາດ ແລະ ບ້ານນາເຕີ້.
  • ໂຄງການ ປູກມັນຕົ້ນ, ປູກຕົ້ນໄມ້ໃຫ້ໝາກ, ໄມ້ອຸດສະຫະກໍາຢູ່ ເຂດອ່າງຄຳ, ບ້ານອ່າງຄໍາ,ສົບສະລຸງ, ກຸ່ມບ້ານທີ 1, ( ບ້ານນໍ້າປະເຄນ), ກຸ່ມບ້ານທີ 11, (ບ້ານນາຫອຍ), ກຸ່ມບ້ານທີ 13, (ບ້ານລາດແດງໃຫຍ່), ກຸ່ມບ້ານທີ 8, (ບ້ານແກ້ງເຫຼັກໃຕ້), ເຂດກະແຕບນາຜາດ່າງ, ກຸ່ມບ້ານທີ 7 (ບ້ານປຸງປໍ, ດົງຍາງ).
  • ໂຄງການ ກໍ່ສ້າງນ້ຳປະປາຊຸມຊົນ 3 ແຫ່ງຢູ່ຈຸດສຸມກະແຕບນາຜາດ່າງ, ຈຸດສຸມເມືອງວັງ ແລະ ບ້ານນ້ຳມະຮີ.
  • ໂຄງການ ກໍ່ສ້າງນ້ຳລິນ, (ບ້ານນາຊຽງແລ, ນາເມືອງແສນ), ຍາວ 3 ກິໂລແມັດ.
  • ໂຄງການ ອະນຸລັກປ່າ ແລະ ສັດປ່າ( ຊ້າງປ່າ) ປ້ອງກັນຍອດນໍ້າເຊນ້ອຍ, ເຊບາຍ, ເຊກອກ ແລະ ເຊສະງີ່.
  • ໂຄງການ ກໍ່ສ້າງນ້ຳສະອາດໃຫ້ 46 ໝູ່ບ້ານ.